Les mots surlignés font l'objet d'une note
1Monseigneur, je vous ay escrit par ma dernière lettre que monsieur de St Romain en avoit
2escrit bien honeste à monseigneur le marechal sur le faict de la restitution du château de
3Monferrand et avoit aussy escrit à celuy qui sen estoit saisy pour faire ladite restitution,
4Mais il n’a encore esté obéy, disant le surprenneur quil ne mettroit la place entre
5les mains des huguenotz encore quil l’ait prinse sur les catholicques. Mondit seigneur
6le marechal est party dicy ceste après disnée pour aller veoir les fortz des environs de
7Florensac doù il espère estre de retour dans cinq ou six jours. Je vous
8advertiray de toutes choses que jestimeray dignes de vous à mesure quelles
9succederont. Sur ce, me recommandant humblement à votre bonne grace et priant
10le Createur,
11monseigneur, vous conserver en sa très saincte et digne garde. De
12Montpellier, lunziesme jour de fevrier 1574.
13Vostre à jamais plus fidelle et plus affectionné
14serviteur Truchon